سابق صدر پرویز مشرف کا کہنا ہے آرمی چیف جنرل راحیل شریف کو ان کی مدت ملازمت میں توسیع ملنی چاہئے ۔
میڈیا سے گفتگو کرتے ہوئے سابق آرمی چیف اور سابق صدر پرویز مشرف کا کہنا تھا جنرل راحیل شریف بہت پاپولر ہو گئے ہیں جس کی مجھے بہت خوشی ہے ، میری خواہش ہے کہ جنرل راحیل شریف برقرار رہیں ۔ پرویز مشرف کا کہنا تھا جنرل راحیل شریف اچھا کام کر رہے ہیں اس لئے ان کا اپنا منصب پر فائز رہنا ضروری ہے ۔ سابق آرمی چیف کا کہنا تھا کہ قیادت بدلتی ہے تو چیزیں بھی تبدیل ہوجاتی ہیں ، قیادت کے بدلنے سے سب کچھ زیرو ہوجائے گا ۔ ان کا کہنا تھا نیب اچھا کام کررہی ہے ۔
