وزیراعلیٰ بلوچستان عبدالمالک بلوچ کا کہنا ہے کہ قومیں صرف نعرے بازی سے نہیں بلکہ تعلیم اور ٹیکنالوجی سےترقی کرتی ہیں ۔ کہتے ہیں خضدار میں آگ اور خون کے کھیل کو ختم کر کے امن بحال کیا ۔
کوئٹہ: وزیراعلیٰ ڈاکٹرعبدالمالک بلوچ نے بلوچستان یونیورسٹی خضدار کیمپس کا افتتاح کر دیا۔ افتتاح کے موقع پر خطاب کرتے ہوئے وزیراعلیٰ کا کہنا تھا تعلیمی اداروں کو جنگی بنیادوں پر فنڈز فراہم کئے جا رہے ہیں ، خضدار کی سڑکوں کے لیے 200 ملین روپے فراہم کیے اس لئے یونیورسٹی کے لیے 50 ملین روپے بڑی بات نہیں۔
یونیورسٹی انتظامیہ کو یونیورسٹی کیمپس میں طلبہ کے داخلے فوری شروع کرنے کی ہدایت دیتے ہوئے عبدالمالک بلوچ کا کہنا تھا کہ انتظامیہ دو دن کے اندر یونیورسٹی میں داخلے شروع کرنے کے عمل کو یقینی بنائے ۔
