وفاقی وزیر مذہبی امور کا کہنا ہے سانحہ منیٰ میں کراچی کی دو خواتین کی شہادت کی تصدیق ہو گئی ہے ۔
میڈیا سے گفتگو کرتے ہوئے وفاقی وزیرمذہبی امور سردار یوسف کا کہنا ہے سانحہ منیٰ میں شہید خواتین حفصہ اور مسز نسرین کے لواحقین کو فون کر کے شہادت کے حوالے سے آگاہ کر دیا گیا ہے ۔ سردار یوسف کا کہنا ہے مکہ کے النور اسپتال میں مزید 4 پاکستانیوں کی میتیں موجود ہیں ، میتوں کی تفصیلات حاصل کر رہے ہیں ۔ وزیرمذہبی امور کا کہنا ہے حادثے میں 3 پاکستانی عتیق الرحمان، اُن کی اہلیہ اور یونس مرزا زخمی ہوئے ہیں ۔
