کراچی کے علاقے کالابورڈ کے قریب نامعلوم موٹر سائیکل سواروں کی فائرنگ سے زخمی ہونے والا ٹریفک اہلکار دم توڑ گیا ۔
کالابورڈ کے قریب فائرنگ سے زخمی ٹریفک اہلکار دوران علاج جاں بحق ہو گیا ۔ پولیس کے مطابق شہید ہونے والے ٹریفک اہلکار کی شناخت اے ایس آئی ذوالفقار کے نام سے ہوئی ہے ۔ پولیس کا کہنا ہے شہید اہلکار ڈیوٹی سے گھر واپس جا رہا تھا جب موٹرسائیکل سواروں نے مقتول پر فائرنگ کی ۔ پولیس کا کہنا ہے شہید اہلکار نے بلٹ پروف جیکٹ پہن رکھی تھی تاہم حملہ آوروں نے اہلکار کے سر میں گولی مار دی ۔ اطلاع ملنے پر ریسکیو اہلکاروں نے زخمی کو اسپتال منتقل کیا مگر اےایس آئی ذوالفقار زخموں کی تاب نہ لاتے ہوئے شہید ہو گیا ۔
