آزاد کشمیر کے علاقے باغ میں اسکول وین کھائی میں گرنے سے 4 طالب علم جاں بحق جبکہ 10 سے زائد زخمی ہو گئے ۔
پولیس کے مطابق آزاد کشمیر میں باغ کے علاقے سیری بانڈی میں اسکول وین کھائی میں جا گری ہے جس کے نتیجے میں 4 طالب علم موقع پر ہی جاں بحق ہو گئے ہیں جبکہ دس سے زائد زخمی ہیں۔ پولیس کا کہنا اسکول وین موڑ کاٹتے ہوئے کھائی میں گری ۔ اطلاع ملنے کے بعد ریسکیو ٹیموں نے جائے وقوعہ پر پہنچ کر امدادی کارروائیاں شروع کردی اور جاں بحق طلبہ کی لاشوں اور زخمیوں کو اسپتال منتقل کردیا ہے ۔ اسپتال ذرائع کے کہنا ہے کہ متعدد زخمیوں کی حالت تشویشناک ہے ۔
