چیئرمین سینیٹ رضا ربانی نے ایم کیوایم کے اراکین پارلیمنٹ کے استعفے نامنظور کرتے ہوئے رولنگ دی ہے کہ چالیس دن تک اسمبلی سے غیر حاضر رہنے پر کسی کے استعفے منظور نہیں ہو جاتے ۔
چیئرمین سینیٹ کی زیرصدارت ہونے والے سینیٹ اجلاس سے خطاب کرتے ہوئے چیئرمین سینیٹ رضا ربانی کا کہنا تھا کہ ایم کیوایم نے احتجاجاً دیئے تھے اور ان استعفوں کے پیچھے سیاسی ایجنڈا تھا اس لئے ان کے استعفے منظور نہیں کئے جاسکتے ۔ رضا ربانی کا کہنا تھا کہ یہ رولنگ مستقبل میں بھی کام آئے گی ۔ رولنگ دیتے ہوئے چیئرمین سینیٹ کا کہنا تھا اکٹھے استعفے آنے پر ان می مصدقہ تصدیق لازمی ہے ۔ چیئرمین سینیٹ،اسپیکر قومی اسمبلی نے استعفوں پر دستخط کی تصدیق کرنا ہوتی ہے ، اسپیکر،چیئرمین آئین ،قانون اور ایوان کے رولز کے پابند ہیں ۔ چیئرمین سینیٹ کا کہنا تھا کہ نظاہر لگتا ہے کہ بعض اراکین نے استعفے رضاکارانہ نہیں دیئے ۔
