انچارج سی ٹی ڈی مظہر مشوانی کا کہنا ہے محکمہ انسداد دہشتگردی نے کراچی کے علاقے ماڑی پور ٹرک اڈے بوٹ بیسن کے قریب کارروائی کر کے 2 دہشتگرد کو گرفتار کر لیا ۔
کراچی: انچارج انسداد دہشتگردی محکمہ مظہر مشوانی نے گرفتاری کے حوالے میڈیا کو تفصیلات سے آگاہ کرتے ہوئے کہا کہ سی ٹی ڈی نے پہلی کارروائی ماڑی پور ٹرک اڈے کے قریب کی اور گینگ وار کے ملزم کو گرفتار کیا ۔ مظہر مشوانی کا کہنا تھا گرفتار ملزم عامر گل کا تعلق چنوانی گروپ سے ہے جو ٹارگٹ کلنگ کی کئی وارداتوں میں مطلوب تھا ۔ مظہر مشوانی کا کہنا تھا کہ ملزم نے ابتدائی طور پر 8 ٹارگٹ کلنگ کی وارداتوں کو اعتراف کیا ہے ۔ جب کہ ملزم سے مزید تفتیش جاری ہے ۔
انچارج سی ٹی ڈی مظہر مشوانی کا کہنا تھا کہ سی ٹی ڈی نے بوٹ بیسن کے قریب ایک اور کارروائی میں کالعدم تنظیم کے دہشتگرد کو گرفتار کیا ہے ۔ گرفتار دہشتگرد کا تعلق کالعدم تنظیم حزب التحریر ہے ۔ انچارج مظہر مشوانی کا کہنا تھا کہ ملزم اویس این ای ڈی سے انجینئرنگ اورآئی بی اے سے ایم بی اے کر چکا، ملزم نے2007 میں کالعدم حزب التحریرمیں شمولیت اختیارکی ۔ مظہرمشوانی کے مطابق ملزم ڈیفنس اورکلفٹن میں حزب التحریرکےکتابچے تقسیم کرتا تھا۔
