ایک دن میں دوسری مرتبہ پولیس اہلکار دہشتگردوں کے نشانے پر ۔ کراچی کےعلاقے گولیمار میں نامعلوم ملزمان کی فائرنگ سے دو ٹریفک اہلکار زخمی ہو گئے ۔
پولیس کے مطابق نامعلوم موٹر سائیکل سواروں نے ٹریفک اہلکاروں کو اس وقت فائرنگ کا نشانہ بنایا جب وہ چوکی اندر موجود تھے ۔ پولیس کے مطابق فائرنگ سے زخمی ہونے والے اہلکاروں کی شناخت مہدی زمان اور چن زیب کے ناموں سے ہوئی ہے ۔ ریسکیو ٹیموں نے اطلاع ملنے پر موقعے پر پہنچ کر زخمی اہلکاروں کو اسپتال منتقل کردیا ۔ اسپتال ذرائع کے مطابق اہلکاروں کی حالت تشویش ناک ہے ۔ عینی شاہدین کا کہنا ہے کہ فائرنگ کرنے والے ملزمان موٹرسائیکل پر سوار تھے جو فائرنگ کے بعد فرار ہو گئے ۔ پولیس کا کہنا ہے کہ فائرنگ کی جگہ سے نائن ایم ایم کے خول ملے ہیں ۔
