پاکستان کرکٹ ٹیم کے سابق بولنگ کوچ محمد اکرم کا کہنا ہے کہ پاکستانی ٹیم دوسرے ٹیسٹ میں ضرورت سے زیادہ پراعتماد تھی اور ٹیسٹ کرکٹ کے لیے جو صبر چاہیے وہ کھلاڑیوں میں دیکھنے کو نہیں ملا۔
غیر ملکی خبررساں ادارے کو دیئے گئے ایک انٹرویو میں محمد اکرم کا کہنا تھا کہ پاکستانی ٹیم دوسرے ٹسٹ میں ضرورت سے زیادہ پراعتماد تھی اور ٹسٹ کرکٹ کے لیے جو اسٹیمنا اور صبر چاہیے ہوتا ہے، وہ کھلاڑیوں میں دور دور تک نظر نہیں آیا۔‘ انہوں نے کہا کہ شاہد آفریدی کے انٹرویو پر شور تو کافی مچایا گیا لیکن جس تناظر اور پس منظر میں شاہد آفریدی کے ٹیلنٹ نہ ہونے کی بات کی، اسے سمجھنا بڑا ضروری ہے۔
انھوں نے شاہد آفریدی کے خیالات سے اتفاق کرتے ہوئے کہا کہ ’جب تک گراس روٹ لیول پر کرکٹ کو ٹھیک نہیں کیا جائے گا، تو آپ کو ٹیلنٹ نہیں ملے گا، اور اگر اس لیول پر ٹیلنٹ نہیں ملے گا تو چاہے آپ کوچز اور مینیجمنٹ کو بار بار تبدیل کرتے رہیں، بہتری نہیں آئے گی۔
