سعودی عرب میں تجارتی تنازعات کے کیسز نمٹانے کے سلسلہ میں پہلی خاتون کمرشل جج کی تقرری کر دی گئی ۔
منگل کو سعودی ذرائع ابلاغ کی رپورٹس کے مطابق مشرقی صوبہ میں ایڈ منسٹریٹو اپیلز کورٹ نے شیما صادق الجبران کا بطور پہلی خاتون کمرشل جج تقرر کرنے کی منطوری دی ہے .
سعودی حکومتی ذرائع کے مطابق سودی عرب میں تجارتی سطح کے تنازعات کی ثالثی عدلیہ کے ماتحت آتی ہے اور ماضی میں اس سے قبل کسی تجارتی ثالثی جج کے طورپر تعیناتی کی مثال نہیں ملتی ۔ یہ امر قابل ذکر ہے کہ شیما صادق الجبران کی بطورخاتون کمرشل جج تقرری کو ایڈ منسٹریٹو اپیلز کورٹ میں چیلنج کیا گیا تھا تاہم ایڈ منسٹریٹو اپیلز کورٹ نے اس تقرری کی منظوری دے دی ہے۔
