اسی طرح کے ایس ای 30 انڈیکس9.25 پوائنٹس کی کمی سے22811.47 پوائنٹس اور کے ایس ای آل شیئرز انڈیکس 26857.98 پوائنٹس سے گھٹ کر26847.31پوائنٹس پر بند ہوا۔ منگل کے روزمارکیٹ کے سرمائے میں 3 ارب 74 کروڑ 77 لاکھ 22 ہزار 394 روپے کی کمی ریکارڈکی گئی جس کے نتیجے میں سرمائے کا مجموعی حجم 80 کھرب 40 ارب48 کروڑ 14 لاکھ 23 ہزار 430 روپے سے کم ہو کر 80 کھرب 36 ارب 73 کروڑ 37 لاکھ1 ہزار 70 روپے رہ گیا۔ منگل کو مارکیٹ میں 42 کروڑ 43 لاکھ 5 ہزار حصص کے سودے ہوئے اورٹریڈنگ ویلیو 13 ارب روپے ریکارڈکی گئی جبکہ پیر کے روز 38 کروڑ 90 لاکھ 78 ہزار حصص کے سودے ہوئے تھے اور ٹریڈنگ ویلیو 12 ارب روپے تک محدود رہی تھی۔ پاکستان اسٹاک مارکیٹ میں منگل کے روز مجموعی طور پر 441 کمپنیوں کا کاروبار ہوا جس میں سے192 کمپنیوں کے حصص کی قیمتوں میں اضافہ، 231 میں کمی اور 18 کمپنیوں کے حصص کی قیمتوں میں استحکام رہا۔ کاروبار کے لحاظ سے کے الیکٹرک لمیٹڈ 6 کروڑ 98 لاکھ، بائیکو پیٹرولیم 3 کروڑ 25 لاکھ، دیوان سیمنٹ 3 کروڑ 22 لاکھ، دیوان سلمان3 کروڑ 2 لاکھ اور ٹی آرجی پاک لمیٹڈ1 کروڑ 68 لاکھ حصص کے سودوں سے سرفہرست رہے۔ قیمتوں میں اتار چڑھاؤ کے اعتبار سے مری بریورے کے بھاؤ میں 55.03 روپے اور سروس انڈسٹریز لمیٹڈکے بھاؤ میں 52.01 روپے کا اضافہ جبکہ فیروز سنز کے بھاؤ میں 49.82 روپے اور انڈس ڈائنگ کے بھاؤ میں 25.50 روپے کی نمایاں کمی ریکارڈ کی گئی۔
