قومی انڈر18 ہاکی ٹیم کے 2 روزہ ٹرائلز آج شروع ہوں گے

اسلام آباد (جسارت نیوز) پاکستان ہاکی فیڈریشن کے زیراہتمام قومی انڈر18- ہاکی ٹیم کے چناؤ کے سلسلے میں2 روزہ ٹرائلز آج نصیر بندہ ہاکی ا سٹیڈیم، اسلام آباد میں ہونگے، قومی انڈر18- ٹیم کے کوچ محمد خرم ملک سرکاری خبر رساں ادارے سے گفتگو کرتے ہوئے بتایا کہ تربیتی کیمپ میں ملک بھر سےً 45 کھلاڑی شرکت کر رہے ہیں جن کو تربیتی کیمپ میں بھر پور تربیت دی جا رہی ہے۔ انہوں نے کہا کہ تربیتی کیمپ میں کھلاڑیوں کو صبح و شام تربیت دی جا رہی ہے، منیجر کیمپ کمانڈنٹ کے فرائض اولیمپئن کامران اشرف جبکہ کوچنگ کے اؤلمپیئن مدثر علی خان، اولمپیئن محمد شبیر، محمد خرم ملک، طارق میر، محمد رفیق اور جنیدخان انجام دے رہے ہیں۔ انہوں نے کہا کہ ٹیم کے چناؤ کے سلسلے میں 2روز ٹرائلز 2 ستمبر سے شروع ہونگے جس میں 25 کھلاڑیوں کا انتخاب کیا جائے گا جس میں 18 رکنی ٹیم اور باقی7 کھلاڑیوں کو اسٹینڈبائی رکھا جائے گا۔ منتخب ٹیم ایشیاء کپ کے کوالیفائنگ راؤنڈ میں شرکت کرے گی جو24 سے 30 ستمبر تک بنگلا دیش کے شہر ڈھاکا میں کھیلا جائے گا اور قومی ٹیم کی روانگی سے قبل ایونٹ کی تیاری کے سلسلے میں عمان کے ساتھ سیریز14 سے 20 ستمبر تک اسلام آباد اور لاہور میں کھیلی جائے گی۔