قومی جونئیر ہاکی ٹیم کامیاب دورہ یورپ کے بعد وطن واپس پہنچ گئی ،ٹیم نے یورپ میں کھیلے گئے9 میچیز میں کامیابیاں اپنے نام کیں۔
کامیاب دورہ یورپ کے بعدہفتہ کو قومی جونیئر ہاکی ٹیم وطن واپس پہنچ گئی۔قومی جونیئر ہاکی ٹیم غیر ملکی پرواز 714کے ذریعے لاہور کے علامہ اقبال انٹرنیشنل ایئرپورٹ پہنچی، ٹیم نے یورپ میں کھیلے گئے نو میچز میں کامیابیاں اپنے نام کیں۔
دورہ یورپ کے دوران ہالینڈ میں میزبان ملک کی ٹیم ای ایچ وی ہاکی کلب کے علاوہ دو جرمن ہاکی کلب بھی شامل تھے جن کے ساتھ کھیلے گئے 6 میچز میں پاکستان جونیئر ٹیم ناقابل شکست رہی جبکہ اسپین میں کھیلے گئے 3 میچز کی سیریز پاکستان نے دو ایک سے جیتی۔ ٹیم میں 5 آفیشلز اور 20 کھلاڑی شامل تھے جونئیر ہاکی ٹیم مینجر کا کہنا ہے کہ اس دورے کا مقصد دسمبر میں انڈیا کے شہرلکھنو میں ہونے والے ورلڈ کپ کے لیے تیاری کرنا تھا۔
