اسرائیلی جنگی طیارے کی پاکستان یواے ای کی سرحدوں کے قریب پرواز

دبئی( آن لائن ) اسرائیلی طیارے کی متحدہ عرب امارات اور پاکستان کی سرحدوں کے قریب پرواز کا انکشاف ہوا ہے۔اسرائیلی میڈیا کی جانب سے دعویٰ کیا گیا ہے کہ اسرائیلی جنگی طیارے
نے پاکستان اور متحدہ عرب امارات کی سمندری حدود میں داخل ہوتے ہوئے دونوں ممالک کی سرحدوں کے قریب پرواز کی۔ اسرائیلی طیارہ امریکا کی جانب سے منعقد کی گئی فضائی مشقوں میں حصہ لے رہا تھا۔ ان مشقوں میں پاکستان اور متحدہ عرب امارات کی فضا ئیہ نے بھی شرکت کی تھی تاہم اس حوالے سے تاحال اسرائیلی فضائیہ کی جانب سے کسی قسم کی کوئی وضاحت نہیں دی گئی۔