ملتان تباہی سے بچ گیا‘2خواتین سمیت 4دہشت گرد گرفتار

ملتان(آئی این پی)ملتان بڑی دہشت گردی سے بچ گیا،محکمہ انسداد دہشت گردی پولیس نے کارروائی کرکے 2 خواتین سمیت4 دہشت گردوں کو گرفتار کرلیا۔دہشت گردوں کے قبضے سے بڑی تعداد میں بارود،ڈیٹونیٹرز اور 8دستی بم،9 کلو بارود برآمد کرلیا گیا۔پولیس ذرائع کے مطابق ملتان کے علاقے
جہانگیرآباد میں محکمہ انسداد دہشت گردی نے کارروائی کرتے ہوئے 2خواتین سمیت 4دہشت گردوں کو گرفتارکرلیا۔ دہشت گرد 6 سالہ بچی کو ڈھال بنا کرخانیوال کے راستے ملتان میں داخل ہو رہے تھے۔ پولیس نے گرفتار دہشت گردوں کیخلا ف مقدمہ درج کرکے مزید تفتیش کے لیے نامعلوم مقام پر منتقل کردیا۔