سیکورٹی فورسز نے کس کورونہ میں سرچ آپریشن کر کے ورسک میں کرسچین کالونی میں حملہ کرنے والے دہشت گردوں کے 4مبینہ سہولت کاروں کو گرفتار کرلیا۔
مقامی میڈیا رپورٹس کے مطابق سرچ آپریشن مہمند ایجنسی کے سرحدی علاقے کورونہ میں کیا گیا جہاں سے ورسک میں کرسچین کالونی میں حملہ کرنیوالوں کے 4مبینہ سہولت کاروں کو گرفتار کرلیا گیا ۔
رپورٹس کے مطابق گرفتار سہولت کاروں میں شاہد، اعجاز، ضیاء الرحمان اور ضیاء محمد شامل ہیں ، جنہیں مزید تفتیش کے لیے نامعلوم مقام پر منتقل کردیا گیا ۔
واضح رہے کہ جمعہ کو سیکورٹی فورسز نے ورسک کی کرسچین کالونی میں 4خودکش حملہ آوروں کو ہلاک کرکے دہشت گردی کی کوشش ناکام بنادی تھی۔
