عبداللہ اور دانیال ڈویژن ٹو کوارٹرفائنل میں پہنچ گئے

پیرس(جسارت نیوز) پاکستانی پلیئر عبداللہ عباسی اور دانیال ثناء اللہ فتوحات برقرار رکھتے ہوئے ورلڈ اسکریبل چیمپئن شپ ڈویژن ٹو کے کوارٹرفائنل میں پہنچ گئے۔ عبداللہ نے مجموعی طور پر 19 فتوحات حاصل کر کے لاسٹ 8 تک رسائی حاصل کی۔ فرانس میں کھیلے گئے میگا چیمپئن شپ میں ڈویژن ٹو میں پاکستانی کھلاڑیوں عبداللہ عباسی اور دانیال ثناء اللہ کی اب تک کی کارکردگی قابل ستائش رہی ہے، دونوں پیش قدمی برقرار رکھتے ہوئے کوارٹرفائنل میں پہنچ چکے ہیں۔ پاکستان کی میگا ایونٹ میں سیمی فائنل میں نمائندگی یقینی ہو گئی ہے کیونکہ کوارٹرفائنل میں دونوں پاکستانی پلیئر عبداللہ اور دانیال آمنے سامنے ہوں گے۔ پریمیئر کیٹیگری میں معیز بیگ نے تیسرے روز کے اختتام تک تیسری پوزیشن حاصل کی تھی۔