ذوالفقار آباد آئل ٹینکرز ٹرمنل سے پارکنگ کا دیرینہ مسئلہ حل ہو گا ،کمشنرکراچی

کراچی (اسٹاف رپورٹر) کمشنر کراچی اعجاز احمد خان نے کہا ہے کہ ذوالفقار آباد آئل ٹینکرز ٹرمنل ایک اہم منصوبہ ہے،اس سے آئل ٹینکرز کی پارکنگ کا دیرینہ مسئلہ حل ہو گا اور شہر میں ٹریفک کے مسائل کے حل میں حکومتی کوششوں میں مدد ملے گی۔کمشنر کراچی نے ذوالفقارآباد آئل ٹینکرز ٹرمنل کا دورہ کر کے ٹرمنل پر پارکنگ کی سہولتوں کا جائزہ لیا۔ اس موقع پر انہیں منصوبے کے بارے میں تفصیلی بریفنگ دی گئی ۔ انہوں نے پارکنگ کی جگہ ، ڈرائیورز کے لیے آرام گاہ یا انتظار گاہ ، ٹوائلٹس ، بجلی اور پانی کی دستیاب سہولتیں دیکھیں۔ اس موقع پر انہوں نے کہا کہ ذوالفقار آباد آئل ٹینکرز ٹرمنل منصوبے سے آئل ٹینکرز کوپارکنگ کی بہتر سہولتیں حا صل ہوں گی او ر آئل ٹینکرز کی پارکنگ کا دیرینہ مسئلہ حل کر نے میں مدد ملے گی۔اس موقع پر کمشنر نے ہدایت کی کہ آئل ٹرمنل پر ٹینکرز کی منتقلی کے سلسلے میں ٹینکر مالکان سے رابطہ و تعاون کو مضبو ط بنایا جا ئے تاکہ پارکنگ کے لیے ٹینکرز کی منتقلی کا عمل جلد شروع ہو اور اسے بہتر بنانے کے لیے مزید اقدامات کیے جائیں۔