بدھ کو پاکستان اور انگلینڈ ٹی ٹوئنٹی میں مد مقابل

پاکستان اور انگلینڈ کی ٹیموں کے درمیان واحد ٹی ٹونٹی کرکٹ میچ بدھ کو  کھیلا جائیگا۔

پاکستان اور انگلینڈ کی کرکٹ ٹیموں کے درمیان واحد ٹی ٹونٹی بین الاقوامی میچبدھ کو مانچسٹر میں کھیلا جائے گا، دونوں ٹیموں کے درمیان میچ نائٹ ہوگا اور پاکستان کے معیاری وقت کے مطابق رات 10 بجکر 30 منٹ پر شروع ہوگا۔

اس سے قبل میزبان ٹیم نے پاکستان کو ون ڈے سیریز میں 4-1 سے شکست دی تھی۔ انگلینڈ نے گرین شرٹس کو پہلے ون ڈے میں 44 رنز سے شکست دی تھی، دوسرے ون ڈے میں 4 وکٹوں سے ہرایا تھا، تیسرے میچ میں میزبان ٹیم نے پاکستان کو بڑے مارجن 169 رنز سے جبکہ چوتھے میچ میں 4 وکٹوں سے شکست دی ۔

پاکستان ٹیم نے پانچویں اور آخری میچ میں میزبان ٹیم کو 4 وکٹوں سے شکست دی اور یوں میزبان ٹیم کا پاکستان کو ون ڈے سیریز میں وائٹ واش کرنے کا خواب شرمندہ تعبیر نہ ہوسکا۔ دونوں ٹیموں کے درمیان واحد ٹی ٹونٹی میچ بدھ کو کھیلا جائے گا۔