انڈر 23 یوتھ فٹبال لیگ میں مزید 2میچوں کے فیصلے

کراچی(اسٹاف رپورٹر)ڈسٹرکٹ فٹبال ایسوسی ایشن ساؤ تھ کے زیر اہتمام انڈر 23 یوتھ فٹبال لیگ میں مزید 2میچوں کے فیصلے ہوگئے۔ککری گراؤ نڈ میں کھیلے گئے پہلے میچ میں پیلے الیون نے روبن الیون کو صفر کے مقابلے میں ایک گول سے شکست دی ‘پیلے الیون کی جانب سے واحد گول کھیل کے 65ویں منٹ میں سمیر نے اسکور کیا۔ دوسر ے سنسنی خیز مقابلے میں ڈیوڈ بیکہم الیون نے زیڈان الیون کو ایک کے مقابلے میں 2 گول سے شکست دے کر 3 قیمتی پوائنٹ حاصل کرلیے‘ ڈیوڈ بیکہم الیون کی جانب سے پہلا گول کھیل کے پہلے ہاف کے 30ویں منٹ میں عبداللہ نے ہیڈر کے ذریعے شاندار گول کرکے اپنی ٹیم کو برتری دلائی‘ دوسر ے ہاف کے 47ویں منٹ میں یعقوب نے گول کرکے اپنی ٹیم کی برتری مستحکم کی‘ زیڈان الیون کی جانب سے 65ویں منٹ میں صلال قاسم نے گول اسکور کیا۔ میچ کے مہمان خصوصی پاکستان کے انٹر نیشنل کھلاڑی عیسیٰ خان ، فاروق شاہ ،عبدالعزیز بلوچ اور اورنگزیب تھے۔