کراچی کے علاقے محمود آباد میں پولیس نے کارروائی کرکے دھوکا دہی میں ملوث دو ملزمان سمیت دیگر 4 ملزمان کو گرفتار کرلیا۔ گرفتار ملزمان میں ایک سابق پولیس اہلکار بھی شامل تھا۔
محمود آباد میں پولیس نے کارروائی کرکے 2 جعلسازوں کو گرفتار کرلیا۔ پولیس کے مطابق ملزمان عبدالصمد اور سلیم نے کاروبار کا جھانسہ دیکر شہریوں کے 68 لاکھ روپے ہڑپ کئے ہیں۔ دونوں ملزمان کے خلاف مقدمات درج کر کے تفتیش شروع کردی گئی ۔
ایک اور کارروائی میں پولیس نے محمود آباد سے 50 سے زائد اسٹریٹ کرائمز کی وارداتوں میں ملوث دو ملزمان کو گرفتار کیا ہے۔ ملزم عارف اور دوست محمود بنک سے باہر نکلنے والوں کو لوٹتے تھے۔
ایس ایس پی ساؤتھ کے مطابق ملزم عارف سابق پولیس اہلکار ہے۔ ملزمان واردات میں رکشہ استعمال کرتے تھے۔ گرفتار ملزمان کے قبضے سے اسلحہ، نقدی اور رکشہ برآمد کرلی گئی ۔
