انگلینڈ کے وکٹ کیپر بلے باز جوز بٹلر نے انٹرنیشنل ٹی ٹونٹی میچوں کی نصف سنچری مکمل کر لی۔
وہ یہ اعزاز پانے والے چوتھے انگلش پلیئر بن گئے ہیں، اس سے قبل این مورگن، سٹورٹ براڈ اور لیوک رائٹ بھی یہ کارنامہ انجام دے چکے ہیں۔ بٹلر نے پاکستان کے خلاف کھیلے گئے واحد ٹی ٹونٹی میچ میں شرکت کر کے یہ اعزاز حاصل کیا۔ بٹلر نے 2011ءمیں ٹی ٹونٹی انٹرنیشنل ڈیبیو کیا تھا اور انہوں نے 50 میچز میں 928 رنز بنا رکھے ہیں جس میں ان کی پانچ نصف سنچریاں شامل ہیں۔
