پنجاب گیمز : ساہیوال ڈویژن سے 211 کھلاڑیوں کا دستہ حصہ لے گا

چیچہ وطنی(جسارت نیوز ) 72 ویں پنجاب گیمز میں ساہیوال ڈویژن سے 211 کھلاڑیوں کا دستہ 21 مختلف کھیلوں میں بھر پور حصہ لے گا جو 28 سے 30 ستمبر تک لاہور میں منعقد ہو گا ۔ڈویژن سے ٹیموں کی سلیکشن کے لیے شفاف طریقے سے کھلاڑیوں کا چناؤ یقینی بنایا گیا ہے تا کہ اس گیمز میں ساہیوال ڈویژن کے کھلاڑی زیادہ سے زیادہ مقابلے جیت سکیں ۔یہ بات ڈویژنل اسپورٹس آفیسر اکبر مراد نے ایک خصوصی ملاقات میں بتائی ۔انہوں نے بتایا کہ کمشنر بابر حیات تارڑ ساہیوال کے دستے کی قیادت کریں گے جنہوں نے ٹیموں کی تیاری میں ذاتی دلچسپی بھی لی ہے ۔ انہوں نے کہا کہ مردوں کے مقابلوں میں ساہیوال 14 مختلف گیمز میں حصہ لے گا جن میں سے 137 کھلاڑی اور 27 آفیشلز حصہ لیں گے ۔