سربیا کے نامور ٹینس سٹار اور عالمی نمبر ایک نوویک جوکووچ اور سویٹزرلینڈ کے عالمی نمبر تین کھلاڑی سٹانسلاس وارینکا یو ایس اوپن ٹینس ٹورنامنٹ کے مینز سنگلز کے فائنل میں پہنچ گئے۔
سال کے چوتھے اور آخری گرینڈسلام میں کانٹے دار مقابلوں کا سلسلہ جاری ہے ، میگا ایونٹ کا مینز سنگلز راؤنڈ کے پہلے سیمی فائنل میں سربیا کے نوویک جوکووچ نے عمدہ کھیل پیش کرتے ہوئے فرانس کے گیل مونفلس کو 6-3، 6-2، 3-6 اور 6-2 سے شکست دیکر ایونٹ کے فائن کے لئے کوالیفائی کرلیا ۔
انکا مقابلہ سویٹزرلینڈ کے سٹانسلاس وارینکا سے ہوگا انہوں نے دوسرے سیمی فائنل میں جاپان کے کائی نیشیکوری کو پہلے سیٹ میں 4-6 کی شکست کے باوجود اگلے سٹریٹ سیٹس میں 7-5، 6-4 اور 6-2 سے مات دیکر مگا ایونٹ کا فائنل کھیلنے کا اعزاز حاصل کرلیا۔
