ویسٹرن آسٹریلیا کے آل راؤنڈر ہلٹن کارٹرائٹ نے پاکستان کے خلاف سڈنی ٹیسٹ میں اپنے ٹیسٹ کیریئر کا آغاز کیا، اس طرح وہ آسٹریلیا کے 450 ویں ٹیسٹ کرکٹر بن گئے ۔
ہلٹن کارٹرائٹ دائیں ہاتھ سے بیٹنگ اور میڈیم فاسٹ باؤلنگ کرتے ہیں انہیں نمبر چھ پر بیٹنگ کیلئے بھیجا جائے گا۔ لیفٹ آرم سپنر سٹیو اوکیف کو بھی پلیئنگ الیون میں شامل کیا گیا، فاسٹ باؤلر جیکسن برڈ کو ٹیم میں شامل نہیں کیا گیا۔
واضح رہے کہ آسٹریلیا اور پاکستان کے درمیان تیسرا اور آخری ٹیسٹ سڈنی میں شروع ہوچکا ہے ۔ آسٹریلیا کو سیریز میں 2-0 کی فیصلہ کن برتری حاصل ہے۔
