اٹلی کے شمالی حصے میں ایک بس حادثے میں کم از کم 16 افراد ہلاک اور 35 سے زیادہ زخمی ہو گئے۔
جرمن ذرائع ابلاغ کے مطابق حکام نے کہا ہے کہ اٹلی کے شہر ویرونا کے قریب موٹر وے پربس میں آگ اْس وقت لگی جب وہ سڑک کے کنارے پر رکھی رکاوٹوں سے ٹکرا گئی۔حادثے میں 16 افراد ہلاک اور 35 سے زیادہ زخمی ہو گئے۔
زخمیوں کو ہسپتال منتقل کردیا گیا ہے۔ بس میں ہنگری کے ایک سکول کے 15 سے17 برس کے ٹین ایجرز سوار تھے۔ بس اٹلی کا سیاحتی دورے پر تھی۔ اطالوی پولیس کے مطابق نصف شب کو پیش آنے والے اس حادثے کی تفتیش شروع کر دی گئی ہے۔
