ٹرانسپیرنسی انٹرنیشنل نے کہا ہے کہ پاکستان میں کرپشن میں کمی آئی ہے اور جنوبی ایشیا میں کرپشن کم کر نے میں چین اورپاکستان پہلے اوردوسرے نمبر پررہے ہیں۔
ٹرانسپیرنسی انٹرنیشنل کی تازہ ترین رپورٹ کے مطابق جنوبی ایشیا میں کرپشن کم کرنے میں پاکستان درجہ بندی میں 9 درجے کی بہتری کے ساتھ 116ویں نمبرپرآ گیا ہے اور پاکستان میں شفافیت میں اضافہ ہوا ہے۔ رپورٹ کے مطابق چین کرپشن میں 12درجے بہتری کی طرف گامزن ہے، بھارت کرپشن میں کمی میں صرف 5 درجے بہتری لاسکا، سری لنکا کرپشن میں منفی 4 درجے تنزلی کا شکار ہوا، بنگلہ دیش 2 ، نیپال اور ایران 7 درجہ بہتری کی طرف گامزن ہے۔
رپورٹ میں 176 ممالک میں شفافیت کے لحاظ سے پاکستان کا 116 ویں نمبر پر رکھا گیا ہے۔ شفافیت کے لحاظ سے پاکستان کو پہلے کی نسبت 32 پوائنٹس ملے۔ 2012 میں پاکستان 174ممالک میں 139 ویں نمبر پر تھا۔
