امریکی صدر ٹرمپ کی دنیا کی سپرپاور کا تمام بوجھ اپنے کندھوں پر اٹھانے کے باوجود ٹوئٹر استعمال کرنے کی عادت تبدیل نہ ہوئی، ٹرمپ کا فون وائٹ ہاؤس کے لیے خطرہ بن گیا،سیکورٹی ماہرین نے موبائل فون تبدیل کرنے کا مشورہ دے دیا۔
غیر ملکی میڈیا کے مطابق امریکی صدر ڈونلڈ ٹرمپ کے پرانے اینڈرائیڈ موبائل سے وائٹ ہاؤس کی سلامتی کو خطرات لاحق ہوگئے ہیں جبکہ سیکورٹی ماہرین نے امریکی صدر کو سیکورٹی معیارات کے مطابق موبائل فون تبدیل کرنے کا مشورہ بھی دے دیا ہے۔نیا امریکی صدر وائٹ ہاؤس کی سلامتی کے لئے خطرہ بن گیا ہے اور وائٹ ہاؤس میں داخل ہونے اور دنیا کی سپرپاور کا تمام بوجھ اپنے کندھوں پر اٹھانے کے باوجود بھی ٹرمپ کی ٹوئٹر استعمال کرنے کی عادت تبدیل نہ ہوئی۔
ڈونلڈ ٹرمپ بدستور اپنا پرانا اینڈرائیڈ موبائل اور ٹوئٹراکاؤنٹ مسلسل استعمال کررہے ہیں جس پرسیکیورٹی ماہرین کوتشویش لاحق ہے ایک طرف سیکیورٹی ذمہ داران صدر ٹرمپ کے پرانے موبائل کی سیکیورٹی کے حوالے سے پریشان ہیں تو دوسری طرف ہیکرز کی مداخلت کا بھی خطرہ پیدا ہوگیا ہے جو ٹرمپ کے موبائل ڈیٹا اور حساس معلومات تک رسائی کا موقع ہاتھ سے جانے نہیں دیں گے۔سیکیورٹی ماہرین نے نئے صدر کو موبائل بدلنے کامشورہ دیا تو ٹرمپ نے ڈھٹائی کا مظاہرہ کرتے ہوئے ماہرین کے مشورے کو ہوا میں اڑادیا۔
