کوہاٹ کے علاقے شکردرہ میں زمین کے تنازع پر دو گروپوں میں فائرنگ کے نتیجے میں ایک شخص جاں بحق جبکہ دو زخمی ہو گئے ۔ پولیس نے موقعے سے ایک ملزم کو گرفتار کر کے اسلحہ برآمد کرلیا۔
پولیس کے مطابق فائرنگ کے نتیجے میں جاں بحق ہونے والے شخص کی شناخت کونسلر سعید خان کے نام سے ہوئی ہے ۔ جبکہ فائرنگ سے زخمی ہونے والے دو افراد کو اسپتال منتقل کردیا گیا ہے ۔ پولیس کا کہنا ہے کہ موقعے سے ایک ملزم کو گرفتار کرکے اسلحہ برآمد کرلیاگیا ہے ۔