فلسطین کی وزارت صحت کا کہنا ہے کہ اسرائیلی فوج نے رات گئے غزہ پر راکٹ حملے کیے جس کے نتیجے میں دو فلسطینی شہید جب کہ متعدد زخمی ہوگئے۔
ذرائع ابلاغ کی رپورٹس کے مطابق فلسطینی وزارت صحت نے اپنے ایک بیان میں کہا ہے کہ غاصب اسرائیلی فورسز نے مصر سے ملحقہ سرحد کے قریب جنوبی غزہ کی آبادی پر راکٹ حملے کیے جس کے نتیجے میں 2 شہری شہید جب کہ پانچ زخمی ہوگئےہیں۔
واضح رہے چند روز قبل بھی اسرائیلی فوجیوں نے حماس کو نشانہ بنانے کے بہانے فلسطینی شہریوں پر گولہ باری کی تھی۔ اس گولہ باری اور بمباری کے نتیجے میں بھی کئے افراد زخمی ہوگئے تھے۔