سعودی عرب نے اپنی سرحدوں کی نگرانی کے لیے فضائی غبارے کا ابتدائی تجربہ کامیابی سے مکمل کر لیا ہے اسے سعودی مملکت کی سرحدوں پر مسلح افواج کی معاونت کے لیے چھوڑا جائے گا۔
شہزادہ سلطان جدید ٹیکنیکل ریسرچ انسٹی ٹیوٹ نے اس فضائی غبارے کو تیار کیا ہے اور تجرباتی طور پر چھوڑا ہے۔ اس ادارے کے چیئرمین سامی الحمیدی نے بتایا ہے کہ اس میں رات اور دن کی روشنی میں دیکھنے والے کیمرے نصب ہیں۔یہ ریڈارز کے ساتھ منسلک ہوگا اور ایسے غباروں کی مدد سے سرحدوں پر کسی بھی مشتبہ سرگرمی کا سراغ لگایا جا سکے گا۔
انھوں نے مزید بتایا ہے کہ کنٹرول روم میں فضائی غبارے کے ذریعے 360 درجے تک منظر کشی کی جا سکتی ہے۔ یہ مسلسل 14 روز تک اور زیادہ سے زیادہ 2 ہزار فٹ کی بلندی پر پرواز کرسکتا ہے۔
