صحبت پور کے نواحی علاقے گوٹھ مشرف میں باراتیوں کی بس الٹنے سے چار افراد جاں بحق جبکہ بتیس سے زائد زخمی ہو گئے ۔
پولیس کے مطابق صحبت پور سے نکلنے والی باراتیوں کی بس گوٹھ مشرف کے قریب الٹ گئی جس کے نتیجے میں بس میں سوار چار باراتی موقعے پر دم توڑ گئے ہیں جبکہ بتیس سے زائد زخمی ہیں ۔ پولیس کے مطابق عینی شاہدین کا کہنا ہے کہ حادثہ تیز رفتاری کی وجہ سے پیش آیا ہے ۔ ریسکیو ٹیموں نے جائے حادثہ پر پہنچ کر زخمیوں کو ڈیرہ الہیار اسپتال منتقل کردیا ہے ۔ زخمیوں میں بعض کی حالت تشویشناک ہے ۔
