روسی پارلیمنٹ کی دفاعی کمیٹی کے نائب چیئر مین آندرے کراسووف کا کہنا ہے کہ میں سمجھتا ہوں کہ ہماری حکومت ترکی کے روس کے ساتھ انسداد دہشت گردی کی جنگ کے معاملے میں تعاون کی خواہش کا مثبت جواب دے سکتی ہے۔
روسی خبر رساں ایجنسی اسپنٹک سے انٹرویو میں اس بات کی یاد دہانی کرائی ہے کہ روس اور ترکی کے درمیان اسوقت انسداد دہشت گردی کے حوالے سے تعاون موجود ہے اور یہ دونوں ملک باہمی رابطے کے ساتھ بعض کاروائیاں کر رہے ہیں۔
ہم نے اس معاملے میں ایک مشترکہ لائحہ عمل وضع کیا ہے، جبکہ دیگر معاملات میں بھی سربراہان کے درمیان بات چیت ہو رہی ہے ۔یاد رہے کہ ترک صدر ایردوان نے کہا تھا کہ اگر ماسکو نے تجویز پیش کی تو پھر ہم داعش کے خلاف جنگ کو مل جل کر جاری رکھ سکتے ہیں۔
