یورپی یونین کے دھوکا دہی کی روک تھام کے ادارے نے برطانیہ سے کسٹمز رقوم کی مد میں قریب دو ارب یورو کی ادائیگی کا مطالبہ کر دیا ہے۔
برطانیہ سے یونین کو ان رقوم کی ادائیگی کا یہ مطالبہ اس لیے کیا گیا ہے کہ 2013 2016 کے دوران چین میں تیار کردہ ٹیکسٹائل مصنوعات اور جوتے بہت بڑی مقدار میں برطانیہ کے راستے یورپی یونین میں درآمد کیے گئے تھے۔
اس دوران ان درآمدات کی مالیت بھی اصل سے بہت کم ظاہر کی گئی تھی۔ اب یورپی یونین کے اینٹی فراڈ آفس نے یورپی کمیشن کو سفارش کی ہے کہ کسٹمز کی مد میں ہونے والے مالی نقصانات کی تلافی کے لیے یہ رقوم برطانیہ کو ادا کرنا چاہییں۔
