آج پاکستان سمیت دنیا بھر میں ارتھ آور منایاگیا۔رات ساڑھے آٹھ سے ساڑھے نو بجے تک ایک گھنٹے کے لیے اہم عمارتوں کی غیر ضروری روشنیاں بجھادی گئیں ۔زمین کے تحفظ کی اہمیت اجاگر کرنے کے لیے ہر سال ارتھ آور منایاجاتاہے ۔
پاکستان میں بھی اہم عمارتوں کی غیر ضروری بتیاں بجھاکر زمین سے محبت کا اظہار کیا گیا۔ارتھ آور پر دنیا کے بیشتر شہروں میں اہم عمارتوں کی لائٹیں ایک گھنٹے کے لیے بند کی جاتی ہیں۔
کراچی میں مزار قائد ،گورنر ہاوس ،وزیراعلیٰ ہاوس ،سندھ ہائی کورٹ اور دیگر اہم عمارتوں کی روشنیا ں ایک گھنٹے تک بند رکھی گئیں۔
