چار میچز پرمشمل ٹی ٹوئنٹی سیریز کے پہلے میچ میں پاکستان نے ٹاس جیت کر ویسٹ انڈیز کے خلاف پہلے باولنگ کرنے کا فیصلہ کیا ہے۔
برج ٹاون میں گرین شرٹس اور کالی آندھی آج پہلے ٹی ٹوئنٹی میچ میں ایک دوسرے کے مدمقابل ہیں۔ گرین کیپس کے کپتان سرفراز احمد نے ٹاس جیت کر میزبان ٹیم کو پہلے بیٹنگ کرنے کی دعوت دی۔ ٹی ٹوئنٹی کی تاریخ میں پہلی مرتبہ چار میچز پر مشتمل سیریز کھیلی جارہی ہے۔
ٹاس کے موقع پر گفتگو کرتے ہوئے سرفراز احمد کا کہناتھا کہ ٹیم میں محمد حفیظ کی واپسی ہوئی ہے اور شاداب خان آج اپنا پہلا ٹی ٹو20 انٹرنیشنل کھیل رہےہیں۔ ٹیم کی دیگر کھلاڑیوں میں سرفراز احمد،عماد وسیم،شاداب خان ،وہاب ریاض،سہیل تنویر،حسن علی، کامران اکمل،احمد شہزاد،محمد حفیظ،شعیب ملک اوربابر اعظم شامل ہیں۔
ویسٹ انڈیز کے کپتان بریتھ ویٹ کا کہناتھا کہ یو اے ای میں پاکستان سے ہارےلیکن اب مقابلہ ہمارےگراؤنڈزپرہے اور آج کی پچ کرکٹ کےلیےاچھی ہے۔
