رکن اسمبلی عارف علوی نے تھانے دارکی گردن دبوچ لی

کراچی (اسٹاف رپورٹر)پاکستان تحریک انصاف کے رکن قومی اسمبلی عارف علوی نے تلخ کلامی کے بعد ایس ایچ او درخشاں کی گردن پکڑ لی ۔ذرائع کے مطابق کراچی میں ڈیفنس اور کلفٹن کے رہائشیوں نے پانی کی بندش کے خلاف جمعہ کو دوسرے روز بھی سی بی سی کے دفتر کے باہر احتجاج کیا جس میں پی ٹی آئی کے رہنما خرم شیر زمان،عارف علوی،ڈاکٹر سیما ضیا اور ثمر علی بھی شامل تھے۔احتجاج کے شرکا نے سی سی بی کے دفتر کے باہر مظاہرہ کیا جس کے بعد مظاہرین نے سی بی سی کے دفتر میں زبردستی داخل ہونے کی (باقی صفحہ 9 نمبر 21)
کوشش کی،اس دوران رکن قومی اسمبلی عارف علوی اور ایس ایچ او درخشاں کے درمیان تلخی کلامی ہوئی اور پی ٹی آئی رہنما نے ایس ایچ او کی گردن پکڑلی۔عارف علوی نے ایس ایچ او درخشاں کو دھکے بھی دیے جس کے بعد پی ٹی آئی کے رکن صوبائی اسمبلی خرم شیر زمان نے معاملہ رفع دفع کرانے کی کوشش کی۔مظاہرین کے احتجاج پر ایڈیشنل سی ای او سی بی سی عارفین نے پی ٹی آئی کے رہنماؤں سے کامیاب مذاکرات کیے اور مطالبات پورے کرنے کی یقین دہانی پر مظاہرین نے احتجاج ختم کردیا۔سی سی بی حکام کے مطابق بورڈ کی اگلی میٹنگ میں پانی کے مسئلے کو حل کرنے کی کوشش کریں گے۔
گردن دبوچ لی