بھارت کی جانب سے پھر بلا اشتعال فائرنگ، 2 شہری زخمی

اسلام آباد (صباح نیوز) بھارتی فورسز نے ایک بار پھر لائن آف کنٹرول پر سیز فائر معاہدے کی خلاف ورزی کرتے ہوئے بلا اشتعال فائرنگ کی، جس کے نتیجے میں2 شہری زخمی ہوگئے۔ ترجمان دفتر خارجہ نفیس زکریا کے مطابق بھارت کی
جانب سے لائن آف کنٹرل پر جارحیت کی تازہ کارروائی میں ٹانڈر سیکٹر پر بلا اشتعال فائرنگ کی گئی اور مقامی آبادی کو نشانہ بنایا گیا، جس سے ثانیہ اور ناصر نامی2 شہری زخمی ہوگئے۔ ترجمان دفتر خارجہ نے عالمی برادری سے بھارتی جارحیت کا نوٹس لینے کا مطالبہ کرتے ہوئے کہا ہے کہ بھارت کی جانب سے شہریوں کو نشانہ بنانا قابل افسوس ہے۔ جب کہ بھارت خطے کے امن کو خطرے میں ڈال رہا ہے۔