میئر فٹبال کپ‘راوی اوراسلام آباد کلب کامیاب

اسلام آباد(جسارت نیوز) اسلام آباد میئر فٹ بال کپ ٹورنامنٹ میں راوی کلب اور اسلام آباد کلب نے اپنے، اپنے میچز جیت لئے،پاکستان فٹ بال فیڈریشن کے سابق سیکرٹری جنرل کرنل (ر) مجاہد اللہ ترین مہمان خصوصی تھے، اس موقع پر اسلام آباد فٹ بال ایسوسی ایشن کے صدرمحمد سلیم چوہدری اور سیکرٹری سید شرافت حسین بخاری کے علاوہ شائقین کی کثیر تعداد بھی موجود تھی،ٹی اینڈ ٹی گراؤنڈ میں کھیلے گئے پہلے میچ میں راوی کلب نے گنگال کلب کو 2-1 گول سے ہر ا دیا،راوی کے آصف نے گول کرکے مقابلہ 2-1 کر دیا جو میچ کے اختتام تک جاری رہا،دوسرے میچ میں اسلام آباد کلب نے جناح کلب کو 4-0 گول سے شکست دی، پہلے ہاف کے اختتام تک اسلام آباد کلب کو جناح کلب کے خلاف 1-0 گول کی برتری حاصل تھی، دوسرے ہاف میں اسلام آباد کلب نے مزید3 گول کرکے مقابلہ 4-0 گول سے جیت لیا۔
، فاتح ٹیم کی جانب سے حارث نے دو جبکہ حلال اور فیضان نے ایک، ایک گول کیا ،جناح کلب کے کھلاڑیوں نے مارجن کم کرنے کی بھر پور کوشش کی لیکن ناکام رہے، (آج) پیر کو دو میچ کھیلے جائیں گے، اسلام آباد کلب کا مقابلہ اسلام آباد اکیڈمی کلب سے ٹی اینڈ ٹی گراؤنڈ میں ہوگا جبکہ ایور گرین کلب اور غوری کلب کی ٹیموں کے درمیان میچ کراچی کمپنی گراؤنڈ میں کھیلا جائے گا۔