اسلام آباد اکیڈمی آف مارشل کے تحت جوڈو کی اختتامی تقریب

اسلام آباد (جسارت نیوز)اسلام آباد اکیڈمی آف مارشل آرٹ کے زیر ا ہتمام جوڈو اور کراٹے بیلٹ کی اختتامی تقریب گزشتہ روز اسلام آباد الماء اسکول ایف ایٹ ون اسلام آباد میں منعقد ہوئی جس کے مہمان خصوصی پاکستان جوڈو فیڈریشن کے فنانس سیکرٹری اوراسلام آباد جوڈو ایسوسی ایشن کے صدر ظریف احمد تھے، اس موقع پر آئی جے اے کے نائب صدر یوسف بیگ، پرنسپل میڈم عزیزہ شیخ، ہیڈکوچ معین الدین کے علاوہ شائقین کی کثیر تعداد بھی موجود تھی، ایونٹ میں کامیابی حاصل کرنے والے کھلاڑیوں میں انعامات اور اسناد تقسیم کیں،ایونٹ میں 35 کھلاڑیوں نے حصہ لیا اور کامیابی حاصل کرنے والے کھلاڑیوں میں سوہا سید، الیشبا یاسر، زوہا احمد، ایشال فاطمہ، سدرہ، حمزہ یاسر، خدیجہ اور فاطمہ عرفان شامل تھیں،اس موقع پر مہمان خصوصی ظریف احمد نے کہاہے کہ نوجوان طلباء طالبات کو چاہئے کہ تعلیمی سرگرمیوں کے ساتھ ساتھ ذہنی نشو نما کے لئے کھیلوں کی سرگرمیوں میں بڑھ چڑھ کر حصہ لیں۔
، انہوں نے کہا کہ ملک میں کھیلوں کے ٹیلنٹ کی کمی کوئی نہیں ہے بلکہ سہولیات فراہم کی جائیں توپاکستانی کھلاڑی انٹرنیشنل سطح پر ملک و قوم کا نام روشن کر سکتے ہیں،