عالمی کانفرنس برائے انجینئرنگ میں دنیا بھر سے ڈاکٹرز اور اسکالرز کی شرکت

کراچی(پ ر)انٹرنیشنل کانفرنس برائے انجینئرنگ کمپیوٹرسائنس اینڈ ٹیکنالوجی 2017ء میں دُنیا بھر سے ڈاکٹرز اور اسکالرز نے شرکت کی اور پاکستانی طلبہ کے تحقیقی کام کی تعریف کی۔کانفرنس سے پاکستان اور دُنیابھر سے آئے ہوئے ڈاکٹرز اور اسکالرزنے خطاب کیا،اس موقع پرطلبہ میں بیسٹ ریسرچ پیپر ایوارڈز اور بیسٹ پوسٹرپریزینٹیشن ایوارڈزبھی تقسیم کیے گئے۔کانفرنس میں پاکستان کے تمام صوبوں کی یونیورسٹیز اور انٹرنیشنل یونیورسٹیز کے ڈاکٹرز ،اسکالرز اور ایک ہزار سے زائد طلبہ نے بھی شرکت کی ۔ ڈاکٹرز اور اسکالرزنے پاکستانی طلبہ کے تحقیقی کام کو سراہا ۔اس موقع پر طلبہ کا کہنا تھا کہ کانفرنس سے ہمارا مورال بلند ہوا ہے اور ہمیں بہت کچھ سیکھنے کو ملا ہے، ہم اپنے مُلک کی خدمت کریں گے اور پوری دُنیا میں پاکستان کا نام بھی روشن کریں گے۔