یونس خان کی ریٹائرمنٹ پر ان کی فیملی خوش ،مداح غمزدہ

کراچی(اسٹاف رپورٹر)ٹیسٹ کرکٹر اور مرد میدان یونس خان کی ریٹائرمنٹ پر ایک طرف جہاں ان کے مداح غمزدہ ہیں تو دوسری طرف ان کے بیٹا اور بیٹی اس فیصلے کے بعد بہت خوش دکھائی دیتے ہیں۔ٹیسٹ کرکٹر کے بیٹے اویس یونس خان نے کہا کہ بابا کے ساتھ رات میں گیمز کھیلوں گا اور کارٹون بھی دیکھوں گا جبکہ ان کی بیٹی عمارہ یونس نے اپنے جذبات کا اظہار کرتے ہوئے کہا کہ بابا اب گھر پر زیادہ رہیں گے۔
اس لئے ہم خوب گھومیں گے اور کہانیاں بھی سنیں گے۔یاد رہے کہ قومی کرکٹر یونس خان نے پریس کانفرنس کرتے ہوئے ریٹائرمنٹ کا اعلان کردیا ہے اور کہا کہ ویسٹ انڈیز کیخلاف ٹیسٹ سیریز ان کی آخری سیریز ہوگی۔۔