***۔۔۔۔۔۔میرپور خاص۔۔۔۔۔۔***

میرپورخاص(بیورورپورٹ)نویں اور دسویں جماعت کے سالانہ امتحانات2017 کے بہترین اقدامات کرنے پر ثانوی واعلی ثانوی تعلیمی بورڈ کے چئرمین برکت علی حیدری اور ناظم امتحانات انجینئر انور علیم خانزادہ اور دیگر کو شہر کی مختلف سماجی ،سیاسی اور دیگر عوامی حلقوں نے زبردست خراج تحسین پیش کیا ہے اس حوالے سے سماجی تنظیم کے رہنماء شہزادو ملک ، تحریک انصاف کے کامران میمن ، چیمبر آف کامرس کے اظہر کریم جیلانی، مسلم لیگ نواز کے ملک راجہ عبدالحق، یوتھ ونگ کے ملک عبدالغفار، پیپلز پارٹی کے نواب قریشی، مولانا حفیظ الرحمن ،دستگیری ویلفئر کے محمود صابری، رئیس احمد خان ، معین قیصر، جمیل خان ، فرقان احمد خان اور دیگر نے اپنے ایک بیان میں کہا ہے کہ چئر مین برکت علی حیدری اور ناظم امتحانات انجینئر انور علیم خانزادہ کی کاوشوں سے تعلیمی بورڈ میرپورخاص میں نہ صرف بہتری آئی ہے بلکہ بور ڈمیں موجودایجنٹ مافیا کی سرگرمیوں کو بھی ختم کیا گیا ہے اور کئی کئی سالوں سے طالب علموں کے رکے ہوئے کام بھی ہو رہے ہیں جبکہ بورڈ کے تحت ہونے والے نویں اور دسویں جماعت کے امتحانات میں نقل کے خاتمے کے لئے جو اقدامات کئے گئے وہ سندھ کے دوسرے تعلیمی بورڈز میں نہیں ہوئے اس سال نویں اور دسویں کا امتحانات کے دوران ویجیلنس کمیٹیوں 700 سے ذائد امیدواروں کو نقل کرتے ہوئے پکڑا اور 150 جعلی امیدواروں کو پکڑ کر ان کے کیس متعلقہ ڈسپلنری کمیٹی کے حوالے کئے ہیں جبکہ 45 اساتذہ کو انکی ڈیوٹی سے ہٹایا گیا جو اس سے پہلے کبھی نہیں ہوا انھوں نے کہا کہ کاپی کلچر معاشرے کو دیمک کی طرح چاٹ رہا ہے اور اس کے خاتمے کے لئے ہم سب کو کردار ادا کرنا چاہیے انھوں نے وزیرا علی سند ھ ،گورنر سندھ سے اپیل کی ہے کہ کرپشن اورنقل کی روک تھام کرنے، اور بورڈکا بہترین انتظام چلانے پر چئرمین اور ناظم امتحانات کی حوصلہ افزائی کی جائے اور انھیں ایوارڈ دیا جائے۔** میرے چچا اور سابق صدر آصف علی زرداری کے قریبی دوست غلام قادر مری کو بازیاب کرایا جائے ،وہ شدید علیل ہیں ان کی زندگی کو شدید خطرات لاحق ہیں ، اگر غلام قادر مری کو جلد بازیاب نہ کیا گیا تو مری برادری کے ہزاروں افراد احتجا ج کرتے ہوئے سٹرکوں پر نکل آئے گے ،یہ بات غلام قادر مری کے بھتیجے نور محمد مری اور نیا ز محمد مری نے میرپورخاص پر یس کلب میں ایک پریس کانفرنس کرتے ہوئے صحافیوں کو بتائی انہوں نے کہا کہ غلام قادر مری گزشتہ روز نوڈھیرو سے واپس اپنے گاؤ ں آرہے تھے کہ تھر پاور جامشورو کے قریب انہیں اور ان کے ڈرائیور محبوب خاصخیلی خان محمد منگی اور جاوید کاچیلو کو نہ معلوم افراد زبردستی اپنے ہمراہ لے گئے ہمیں شک ہے کہ انہیں اغواہ کیا گیا ہے انہوں نے کہا کہ غلام قادر مری کی عمر 76سال ہے جنہیں جگر کا کینسر کے علاوہ دل کی بیماری اور ہائی بلڈ پریشر کی بیماری بھی ہے اور ڈاکٹروں نے انہیں ایک مخصوص ماحول میں رہنے کی ہدایت کی ہے اور 48گھنٹے گزر گئے ہیں مگر انہیں بازیاب نہیں کیا جاسکا ہے جسکی وجہ سے ان کی زندگی کو شدید خطرہ ہے انہوں نے کہا کہ غلام قادر مری پر کوئی کیس نہیں ہے ایک سوال کے جواب میں انہوں کہا کہ ہم پیپلزپارٹی کے رہنما سید خورشید کاشکریہ اداکرتے ہیں کہ جنہوں نے غلام قادر مری کی بازیابی کے لیے آواز بلند کی انہوں نے مری برادری کے افراد سے اپیل کی ہے وہ غلام قادر مری کی بازیابی کے لیے اپنی آواز بلند کرتے ہوئے سٹرکوں پر نکل آئے انہوں نے سیاسی جماعتوں سول سوسائٹی اورانسانی حقو ق کی تنظیموں سے بھی اپیل کی ہے وہ غلام قادرمری کی بازیابی کے لیے اپنی آواز بلند کریں۔** ثانوی واعلی ثانوی تعلیمی بورڈ میرپورخاص کے چیئرمین برکت علی حیدری کی ہدایت پر ویجلینس ٹیموں نے نویں و دسویں جماعت کے سالانہ امتحانات کے دسویں روز مختلف امتحانی مراکز پر چھاپے مار کر51 امیدواروں کو نقل کرتے ہوئے اور اصل امیدواروں کی جگہ امتحان دینے والے15جعلی امیدواروں کو رنگے ہاتھوں پر پکڑ لیا ۔