2 روزہ انٹر میڈیا ٹین پن بولنگ چمپئن شپ کااختتام
پشاور(جسارت نیوز )خیبر پختونخوا سپورٹس رائٹرز ایسوسی ایشن اور پشاوربولنگ کلب کے باہمی اشتراک سے منعقدہ 2روزہ انٹر میڈیا ٹین پن بولنگ چمپئن شپ اختتام پزیر ہوگئی ۔فائنل مقابلوں میں 92نیوز کے عرفان موسیٰ زئی اور اے وی ٹی خیبر کے جاوید خان نے 227پوائنٹس کے ساتھ پہلی پوزیشن کے ساتھ چیمپئن ٹرافی حاصل کی۔جہان پاکستان کے نبی جان اور جہانزیب آفریدی نے 222پوائنٹس کے ساتھ رنرز اپ ٹرافی جیتی۔تیسری پوزیشن پر ڈیلی جنگ کے محمد واصف اور مشرق کے سعد بن اویس رہے جنکا اسکور 185 پوائنٹس رہا۔این این آئی اور آئین کے شاہد خان اور کامران علی نے 182پوائنٹس حاصل کرکے چوتھی پوزیشن حاصل کی۔پانچویں نمبر پر خیبر اسٹار کے عاصم شیراز اور کاشف عزیز نے 169پوائنٹس حاصل کیے۔سنڈے اسپورٹس کے شکیل الرحمان اورا سپورٹس پلس کے عظمت اللہ پر مشتمل جوڑی نے 168پوئنٹس حاصل کر کے چھٹی پوزیشن حاصل کی۔ اے آئی پی ایس ایشیاکے سیکرٹری جنرل امجد عزیز ملک اختتامی تقریب کے مہمان خصوصی تھے جنہوں نے کامیاب کھلاڑیوں میں ٹرافیا ں تقسیم کئے۔پشاور میں پہلی مرتبہ منعقدہ ان مقابلوں میں الیکٹرانک اور پرنٹ میڈیاکے صحافیوں نے کثیر تعدا د میں حصہ لیا ۔ اس موقع پر امجد عزیز ملک نے خطاب کرتے ہوئے کہا کہ اسپورٹس صحافیوں کے لئے اس قسم کے مقابلے منقعد کرانا ایک خوش آئند قدم ہے اور امید ہے کہ آئندہ بھی اس قسم کے مقابلوں کا انقعاد کیا جائے گا انہوں پشاور ٹین پن بولنگ کلب کے مینیجنگ ڈائریکٹر ظفر اقبال کی تعریف کی اور انہیں یقین دلایا کہ خیبر پختونخوا سپورٹس رائٹر ایسوسی ایشن کا انکے ساتھ تعاو ن جاری رہے گا۔ اس موقع پشاور ٹین پن بولنگ کلب کے ظفر اقبال نے کہاکہ میں اسپورٹس رائٹرزایسوسی ایشن کا بے حد مشکور ہوں کہ انکے تعاون سے آج پہلی بار صحافیوں کے درمیان بہترین چمپئن شپ کا انعقاد کیا گیا ۔انکاکہناتھاکہ ٹین پن بولنگ کلب کے قیام کا بنیادی مقصد پشاور اور خیبر پختونخواکے نوجوانوں اور بچوں کو صحت مندانہ اور تفریحی مواقع فراہم کرناہے اور کہاکہ انشاء اللہ اس کامیاب ایونٹ کے بعدصحافیوں کے بچوں کیلئے بھی ایک خصوصی ایونٹ کا انعقاد کیا جائیگا۔
انہوں نے میڈیا سے بات چیت کرتے ہوئے مزید کہا کہ جلد ہی پشاور ٹین پن بولنگ کلب قومی سطح کاایک ٹورنامنٹ پشاور میں منعقد کرائے گی جس میں ملک بھر کے ٹاپ کے کھلاڑی شرکت کریں گے۔اس چیمپئن شپ میں پرنٹ اور الیکٹرانک میڈیا کے 30صحافیوں نے حصہ لیا۔اور پہلے دن کے مقابلوں کے بعد 12کھلاڑیوں نے سیمی فائنل مقابلوں کے لئے کوالیفائی کیا۔