62 ویں انٹر ڈیپارٹمنٹس ویٹ لیفٹنگ چیمپئن شپ 12 اپریل سے شروع ہوگی

اسلام آباد (جسارت نیوز) پاکستان ویٹ لیفٹنگ فیڈریشن کے زیراہتمام62 ویں انٹر ڈیپارٹمنٹس ویٹ لیفٹنگ چیمپئن شپ 12 اپریل سے ریلوے اسٹیڈیم لاہور میں شروع ہوگی، افتتاحی تقریب کے مہمانان خصوصی پاکستان ریلوے بورڈ کے صدر فیاض احمد اعوان اور پاکستان اولمپک ایسوسی ایشن کے سیکرٹری جنرل محمد خالد محمود ہونگے جبکہ اختتامی تقریب کے مہمان خصوصی چیف ایگزیکٹو آفیسر جاوید انور بوبک ہونگے، پاکستان ویٹ لیفٹنگ فیڈریشن کے نائب صدر محمد راشد ملک نے بتایا کہ چیمپئن شپ کے تمام انتظامات مکمل کر لئے گئے ہیں۔
اور ایونٹ میں ملک بھر سے چھ ڈیپارٹمنٹس کی ٹیمیں حصہ لیں گی جن میں پاکستان آرمی، پاکستان پولیس، پاکستان واپڈا، پاکستان ریلوے اور ہائرایجوکیشن کمیشن کی ٹیمیں شامل ہیں، چیمپئن شپ میں آٹھ ایونٹس منعقد ہونگے،جن میں 56 کلوگرام،62 کلوگرام،69 کلوگرام،77 کلوگرام،83 کلوگرام، 94کلوگرام،105 کلوگرام اور پلس105کلوگرامکیٹگریز کے مقابلے شامل ہیں، چیمپئن شپ میں شرکت کرنے والی ٹیموں کی منیجرز میٹنگ (کل) منگل کو ہوگی،جس میں کھلاڑیوں کا ویٹ اور نئے قوانین کے بارے میںآگاہ کیا جائے گا،چیمپئن شپ کی میزبانی کے فرائض پاکستان ریلوے انجام دے گا اور یہ چیمپئن شپ دو روز تک جاری رہے گی ۔