روئی کے سرکاری نرخ 6 ہزار 700 اور 7 ہزار 180 روپے پر بند

کراچی (اے پی پی) روئی کے نرخ برائے 37.324 کلو گرام اور 40 کلوگرام کے بھاؤ میں مندی رہی۔ بدھ کو 37.324 کلو گرام اور 40 کلوگرام کے ریٹس میں بالترتیب 50 روپے اور 54 روپے کی کمی رونماء ہوئی۔ کراچی کاٹن ایسوسی ایشن سے جاری کردہ اعداد و شمار کے مطابق روئی کی فصل 2016-17ء کے نرخ برائے 37.324 کلو گرام کے نرخ گذشتہ کاروباری روز کے بھاؤ 6 ہزار 750 روپے سے کم ہو کر 6 ہزار 700 روپے اور 40 کلوگرام کے ریٹس 7 ہزار 234 روپے سے کم ہو کر 7 ہزار 180 روپے رہ گئے۔ اسی طرح 37.324 کلوگرام کے بھاؤ 135 روپے اندرون ملک اخراجات کے ساتھ 6 ہزار 835 روپے اور 40 کلوگرام کے ریٹس 145 روپے اندرون ملک اخراجات کے ساتھ 7 ہزار 325 روپے پر بند ہوئے۔
ایسوسی ایشن نے مزید بتایا کہ رحیم یار خان سے حاصل کردہ تفصیلات کے مطابق ڈومیسٹک ٹرانزیکشن کے تحت روئی کی فصل برائے 2016-17ء کی 1 ہزار گانٹھوں کے سودے 6 ہزار 900 روپے فی من پر بند ہوئے۔