ترکی کی وزارتِ خارجہ نے امریکا، برطانیہ، شینگن ممالک اور آئر لینڈ کا سفر کرنے والے پاکستانیوں کے لیے 7روز مفت ٹرانزٹ ویزہ کا اجراء شروع کردیا ہے۔
واضح رہے کہ ان ویزوں کا اجراء ایک منصوبے کے تحت شروع کیا گیا ہے جس کے تحت ترکش ائر لائن پاکستان سے براستہ استنبول امریکا، یورپ ، برطانیہ اور آئرلینڈ سفر کرنے والے مسافروں کے لیے نئی سہولت متعارف کروارہی ہے۔اس سہولت کے تحت ترکش ائر لائن کے ایسے مسافر جن کا پاکستان سے دورانِ فلائٹ اسٹاپ اوور بیس گھنٹے سے زیادہ ہوگا کو ایک دن کے لیے استنبول گھومنے کا موقع فراہم کیا جائے گاجس کے دوران مسافروں کو مفت رہائشی چیک بھی فراہم کیا جائے گا۔
یہ چیک مسافر کی پرواز کی بکنگ کا مکمل کرنے کے بعد ترکش ائرلائن کے مجاز عملے کی جانب سے تیار کرکے مسافر کو فراہم کیا جائے گا ۔ اس چیک کے ذریعے اکنامی کلاس کے مسافرایک رات 4اسٹار ہوٹل جبکہ بزنس کلاس کے مسافر2راتیں 5اسٹار ہوٹل میں گذار سکیں گے۔ واضح رہے کہ یہ ہوٹل استنبول کے تکسیم اور سلطانہ میٹ کے علاقے میں واقع ہیں جو استنبول کا مرکزی پوائنٹ تصور کیا جاتا ہے۔
