پریمئرلیگ فٹبال کی آمدنی میں 3ارب 60کروڑ پائونڈ کا اضافہ

لندن (جسارت نیوز)انگلش پروفیشنل فٹ بال پریمیئر لیگ کی آمدنی میں 3ارب 60کروڑ پائونڈ کا ریکارڈ اضافہ ہوا ہے۔برطانوی آڈٹ کمپنی’ ڈیلوئٹ‘ کے معاشی تجزیہ کاروں کے مطابق 2015-16کے سیزن کے دوران بوئوینٹ یوئیفاٹی وی کی آمدنی میں اضافے کے باعث پریمیئر لیگ کے کلبس کی آمدن 9 فیصد اضافے سے ریکارڈ 3ارب 60کروڑ پائونڈ تک پہنچ گئی۔آڈٹ فرم کا کہنا ہے کہ براڈکاسٹ سے ایک ارب90کروڑ پائونڈ حاصل ہوئے جو ٹاپ کلبس کی آمدنی کے نصف سے بھی زیادہ ہے۔کمپنی نے مزید بتایا کہ گزشتہ سال ہونے والے ڈومیسٹک ٹی وی معاہدے سے آمدنی میں لگا تاراضافہ ہورہا ہے اورمسلسل تیسرے سیزن میں کلبس کا ملاکر منافع 50کروڑ پائونڈ سے تجاوز کرگیا ہے لیکن تنخواہیں 12فیصد اضافے سے 2ارب 30کروڑ بڑھ گئی ہیں۔سالانہ جائزہ رپورٹ کے مطابق گزشتہ سال پرانے براڈ کاسٹ معاہدے میں بھی پریمئر لیگ نے آمدنی کے نئے ریکارڈ قائم کیے تھے۔