عمان ائر کے نام مشرق وسطیٰ میں” بیسٹ ائرلائن اسٹاف سروس “کا اعزاز

کراچی (اسٹاف رپورٹر) سلطنت عمان کی قومی ائرلائن کمپنی عمان ائر نے مشرق وسطیٰ کی بہترین ائرلائن اسٹاف سروس کا اعزاز اپنے نام کرلیا ہے، یاد رہے کہ عمان ائر کو یہ ایوارڈ حال ہی میں پیرس ائر شو کے دوران ہونے والی ووٹنگ کے دوران زیادہ ووٹ حاصل کرنے پرسال 2011سے 2014کے دوران مشرق وسطیٰ میں بہترین ائرلائن اسٹاف سروس کی بنیاد پر دیا گیا جس میں مسافروں کی بڑی تعداد نے اپنے تجربات کی روشنی میں ووٹنگ کے عمل میں حصہ لیا۔ اس موقع پر مسرت کا اظہار کرتے ہوئے عمان ائر کے چیف ایگزیکٹو آفیسر پائول گریگورویچ کا کہنا تھا کہ مجھے خوشی ہے کہ سال 2011,کی طرح 2014اور 2015میں بھی بیسٹ ائرلائن اسٹاف سروس کاایوارڈ بھی عمان ائر کو مسافروں کی پسندیدگی کی بنیاد پر دیا گیا ہے جو کہ واقعی ایک اعزاز ہے، اور ہمیں خوشی ہے کہ عمان ائرکو دنیا بھر کی ائرلائن کے درمیان بہترین اسٹاف کی حامل ائرلائن کے طور پر پہچانا جاتا ہے۔