وزیر ریلوے کا ٹرینو ں میں جراثیم کش ادویات کے ا سپرے کا حکم

لاہور (نمائندہ جسارت ) وزیر ریلوے خواجہ سعد رفیق نے ٹرینو ں میں جراثیم کش اور کیڑے مار ادویات کے باقاعدہ اسپرے کو یقینی بنانے کا حکم دے دیا۔ انہوں نے یہ حکم سوشل میڈیا سمیت مختلف ذرائع سے سامنے آنے والی ان شکایات پر دیا کہ بعض پسنجر کوچز سے کاکروچ ، کھٹمل اورپسو برآمد ہورہے ہیں جو مسافروں کے آرام اور سفر میں خلل کا باعث بنتے ہیں۔ وزیر ریلوے نے اس حوالے سے چیف مکینیکل انجینئر کیرج اینڈ ویگن کو خصوصی ہدایات جاری کردیں۔